Guro,bayani nga ba?

Hindi lingid sa kaalaman ng lahat ang selebrasyon ng World Teacher's Day na kung saan pinararangalan ang mga gurong walang sawang nagtuturo at gumagabay sa mga kabataan. Mga gurong walang hangad kundi matulungan at maabot ng kanilang mga mag-aaral ang kanilang pangarap.

Kaakibat ng pagiging guro ang mga di matapos tapos na suliranin. Nandyan iyong di madalas na pagpasok ng mga mag-aaral, mga mag-aaral na di nakukumpleto ang araw hanggat di naaasar ang kanilang guro, mga mag-aaral na parang tuod sa klase na kung di pa tawagin ay hindi kikibo, nandiyan din ang mga mag-aaral na makanti lang ang dulo ng buhok ay para ka nang nakapatay, nariyan din ang mga pinansyal na pangangailangan na karaniwan ng problema ng guro. Ilan lamang yan sa suliraning kinahaharap ng mga bayani, mga gurong bayani.

Masasabi rin bang bayani ang isang guro kung sinisira nila ang katauhan ng kanyang estudyante. Kung dinadala nila ang kanyang estudyante sa mundo na di dapat malaman ng kanilang mag-aaral. Hindi na bago sa atin ang relasyon sa pagitan ng guro at mag-aaral. Di na rin tayo bago sa mga gurong gumagawa ng kalaswaan sa kanilang mag-aaral. Sila ba ang Bayani?

Nakakalungkot isipin na may mga gurong patuloy na dinadala sa maling landas ang kanilang mga mag-aaral. Mga gurong ginagamit ang kahinaan ng mga bata upang ito'y mapasunod at makuha ang gusto. Mga gurong parang walang pinagkatandaan.Mga gurong puro kamunduhan lamang ang iniisip.

Paano na lamang ang mga gurong walng ginagawa kundi gampanan ng marangal ang kanilang trabaho?Paano ang mga gurong maging sa bahay ay iniisip pa rin ang kanilang mga mag-aaral.Mga gurong itinuturing na mga anak ang kanilang mag-aaral. Nasisra ang mga pangalan ng guro dahil sa mga gurong puro sarili ang kanilang iniisip.

Shame on you!!!sa mga gurong sinisira ang pagka-inosente at pagkatao ng mga mag-aaral. Saludo ako sa mga gurong walang hinihinging kapalit upang magabayan ang kanilang mag-aaral. Lubos akong pinahahanga ng mga gurong handang magbigay ng oras para sa kanilang mag-aaral. Happy World Teacher's Day....ma'am at sir...

intermediate

excite

URS EXCITE PROGRAM

urs excite batch 41

MABUHAY....URS EXCITE PROGRAM

    Bilang isang guro, tayo ay ipinapadala sa samu't saring mga seminar/training upang mas humusay pa sa ating propesyon.Nariyan iyong ipadala ka sa iba't ibang bahagi ng bansa, sa luzon, sa visayas at sa mindanao. Bawat training o seminar ay may aral na ibinibigay sa atin. Marami rin tayong nakikilala at nakakasalamuha. Sa una ay medyo mahiyain hanggang sa dumating ang puntong halos lahat ay magkakakilala na. Di rin mawawala ang  biruan at tawanan na mas nakapagpapasaya sa grupo. Marami ring kwento ang maririnig mula sa iba't ibang paaralan na pinagmulan. Mga kwentong babaunin mo sa iyong pagbalik sa paaralang tinuturuan.

         Sa mga seminar/training na aking nadaluhan, isa siguro ang URS EXCITE o Enhancement and eXpansion of Capability in Information Technology and English sa mga hindi ko makalilimutan. Mula unang araw hanggang huling araw ay talagang kakaiba. Hindi kakikitaan ang mga dumalo ng pagkainip at mapapansin din ang oras na parang tumatakbo. Ang lahat ay busy at isinasapuso ang itinuturo ng mga trainor. Para silang magulang na nag-aalaga at umaalalay sa kanilang mga anak. Mula sa simpleng bagay lalong lalo na sa komplikado. Di matatawaran ang kanilang kaalaman at tiyaga sa pag iisa isa ng mga gawa ng mga nagsasanay lalo na sina Ma'am Aileen, Miss Sydney at si Sir Neil John.SALAMAT NG MARAMI, AMING TRAINOR!!!

        Marami mang activity ang ibinigay, makakahabol ka rin dahil di lang mga trainor ang tutulong sa iyo kundi pati mga kasamahan mo sa pagsasanay. Makikita pa rin ang mga katangin ng mga Pilipino, ang pagiging matulungin. May mga pagkakataon na may kahirapan ang mga activity, nandyan pa rin sila para makuha mo step by step ang solusyon. May mga activity rin para mas makilala ang iba mong kasama

      Hindi ko  rin makakalimutan ang ilang taong naging malapit sa akin.Sina Ma'am Erlyn, si Sir Jayson na laging nagpapatawa, Ma'am Myla, sina Ma'am Nerie at Ma'am Cathy na lagi kong kasabay sa pagkain. Nakasama ko rin sina Ma'am Ainy, Ma'am Maricel, Ma'am Liza, Ma'am Zosima. Ma'am Yamz, Ma'am Mary Jane, Sir Gem, Ma'am Tin2x,Ma'am She at marami pang iba.

    Sana ang mga ganitong makabuluhang pagsasanay ay lalong yumabong at ipagpatuloy. Hindi lamang kaalaman ang naibibigay kundi maging bagong kaibigan. Sana ay maranasan rin ito ng mga guro hindi lang sa amin paaralan kundi pati sa ibang rehiyon.MABUHAY...BATCH 41....MABUHAY....EXCITE PROGRAM!!!

Ang Guro sa Makabagong Panahon

Hindi lingid sa kaalaman ng lahat ang responsibilidad na ginagampanan ng guro sa edukasyon ng mag-aaral,maging ito man ay elementarya, sekondarya at maging tersyarya. Ang guro ng nagsisilbing tagapagpadaloy ng kaalaman sa mga mag-aaral at nagbibigay ng kaalamang magagamit sa tunay na buhay.

Isa sa makatutulong sa paglago ng pagkatuto ng mga mag-aaral ay kung mayroon  silang isang gurong aakay sa kanila sa pag-abot sa kanilang pangarap.Isang gurong magbibigay sa kanila ng walang kondisyong pag-aalaga at pagmamahal at gurong handang umaagapay ng walang hinihinging kapalit at gurong punong-puno ng kaalaman.

Upang makamit ang mga pangangailangan ng mga mag-aral, marapat lamang na bigyan din sila ng katumbas na pagtulong. Kung hindi  man pera maaaring pagbibigay sa kanila ng di matatawarang kaalaman. Ang pagpapadala sa seminar ay isang malaking tulong upang mas mapaunlad nila ang kanilang kakayahan. Ito ang huhubog sa kanila upang makapagsabayan sa makabagong panahon. Panahon na gumagamit ng mga makabagong teknolohiya sa pang-araw-araw at maging sa pagtuturo. Dapat hindi lang mag-aaral ang may kaalaman sa tekonolohiya, dapat kasama rin ang mga guro.

Kung kaalaman ang pag-uusapan, marapat lamang na magsagawa ng training sa mga guro para mas mapahusay sila sa kanilang propesyon. Ang mga kahilingang iyon ay nasolusyunan ng dumating ang URS EXCITE PROGRAM (Enhancement and eXpansion of Capability in Information Technology and English). Di lamang ito nakapokus sa English kundi maging sa Information Technology. 

Sa pamamagitan ng training na ito, higit na mapapadali ang trabaho ng guro sa paggawa ng class record, computation, grap, logic, blog at iba pa. Masasabi ng guro na "IN" na ako sa makabagong panahon at ako na ang guro sa makabagong panahon.